Saloh Angliya chempionatida antirekord o'rnatdi

«Liverpul» hujumchisi Muhammad Salohning o'yinidagi pasayish statistikada ham aks etdi. O'tgan mavsumda misrlik futbolchi APLning eng yaxshi to'purari va assistenti bo'lib, mavsumning eng yaxshi o'yinchisi deb topilgan edi. Ammo 2025/26 mavsumda uning natijalari ancha yomonlashdi va 33 yoshli o'yinchining zaif formasi Arne Slot jamoasidagi muammolar sabablaridan biri sifatida ko'rilmoqda.

WhoScored ma'lumotiga ko'ra, Saloh Angliya chempionatida antirekord o'rnatdi: uning o'rtacha bahosi o'tgan mavsumdagi 7,61 dan 6,74 gacha tushdi. Bu kamida 10 ta o'yin o'tkazgan barcha futbolchilar orasidagi eng katta pasayishdir.

Joriy APL mavsumida Muhammad Saloh 15 o'yinda 4 ta gol urib, 4 ta golli pas bergan.