Myuller: "Germaniya har kimni mag'lub etishi mumkin"

"Vankuver" yarimhimoyachisi Tomas Myuller Germaniya terma jamoasi JCh-2026 g'olibligiga tayyor emas, deb hisoblamoqda.

"Musiala, Virts, Voltamade kabi futbolchilar - ularning barchasini sanab o'tolmayman - super iste'dodli, yorqin, ular asosiy o'yinchilar bo'lishi mumkin va hozir ham shunday. Ammo ular chindan ham sovringa tayyor ekaniga ishonchim komil emas.

Biz har kimni mag'lub etishga qodirmiz, ammo har kimga yutqazishimiz ham mumkin. Menda shunday tuyg'u bor. Biz futbol mamlakati sifatida, albatta, barqarorlik tiklanishiga va bizda nafaqat salohiyatli o'yinchilar, balki ko'p yillardan beri "Bavariya"da bo'lgan Yozua Kimmix yoki Antonio Ryudiger kabi top-klublarda haqiqatan ham muhim shaxslar paydo bo'lishiga umid qilamiz", - dedi Myuller.