Kompani: "Musiala haftasiga uch marta o'ynay olmaydi"

Myunxenning "Bavariya" klubi bosh murabbiyi Vensan Kompani og'ir jarohatdan so'ng safga qaytgan Jamol Musialaning jismoniy holati haqida fikr bildirdi.

"PSV bilan o'yinda Musiala 45 daqiqa davomida juda tetik ko'rindi. Bu meni hayron qoldirdi. U yaxshi o'ynadi va uning ko'rsatkichlari juda yuqori jismoniy darajada edi. Ammo keyinchalik u buni davom ettira olmadi," - dedi Kompani matbuot anjumanida.

Murabbiyning so'zlariga ko'ra, Musiala hozircha haftasiga uchta o'yinda maydonga tushishga tayyor emas, ammo vaqt o'tishi bilan u optimal sport formasiga kiradi.

Bu mavsumda 22 yoshli Musiala barcha musobaqalarda 3ta o'yinda maydonga tushib, 1ta gol urdi va 1ta golga assistentlik qildi.