«RB Zaltsburg» ustozi «Aston Villa»ga qarshi o'yindagi alamli mag'lubiyatga izoh berdi

Evropa ligasining umumiy bosqichi so'nggi turida «RB Zaltsburg» safarda Birmingemning «Aston Villa» jamoasiga 2:3 hisobida mag'lub bo'ldi. Ushbu natijaga avstriyaliklar bosh murabbiyi Tomas Lech izoh berdi.

«Biz 60 daqiqa davomida yaxshi o'ynadik, 2:0 hisobida oldinda edik. Uchinchi golni urish imkoniyatlarimiz ham bo'ldi. Keyin esa maydon egalari ustunlikni qo'lga oldi, muxlislar ularni olg'a undadi. Mag'lubiyatga qaramay, bunday raqibga qarshi o'yinimiz bilan faxrlanishimiz mumkin», — deya Lechning so'zlarini UEFA matbuot xizmati keltiradi.