“Inter” yarim himoyachisining yangi jamoasi ma'lum

Albaniyalik yarim himoyachi, Milanning “Inter” klubi futbolchisi Kristian Aslani Turkiya Superligasiga yo'l olmoqda. Insayder Fabritsio Romano xabariga ko'ra, 23 yoshli futbolchining yangi jamoasi Istanbulning “Beshiktosh” klubi bo'ladi.

Aslani turk grandi bilan 2025/2026 yilgi mavsum yakunigacha mo'ljallangan ijara shartnomasini imzolaydi. Bitimda futbolchini to'liq sotib olish imkoniyati ham nazarda tutilgan.

Mavsumning birinchi yarmida Kristian ijara asosida “Torino” safida harakat qildi. Albaniyalik xavbek Italiya chempionatida 15 ta o'yinda maydonga tushdi, ammo golli harakatlar bilan ajralib tura olmadi.

Ayni paytda Turkiya chempionatida “Beshiktosh” beshinchi o'rinda bormoqda.