Nevill Kerrikni «Manchester Yunayted»da qolishiga qarshi

Angliya futboli afsonasi, hozirda esa ekspert sifatida faoliyat yuritayotgan Gari Nevill «Manchester Yunayted»da Maykl Kerrikning kelajagi haqida fikr bildirdi.

"Kerrikni jamoada bir necha oy ishlashi va "Midlsbro"dagi tajribasidan so'ng qoldirish, uni muvaffaqiyatsizlikka mahkum etish, deb hisoblayman. "Manchester Yunayted" mavsum oxirida mavjud bo'lgan eng sara mutaxassislardan birini taklif qilishi lozim," - dedi Nevill.

APLning 23-turidan so'ng «qizil iblislar» 38 ochko jamg'arib, turnir jadvalida to'rtinchi o'rinni egallab turibdi. Mankunianlar uchinchi o'rinda borayotgan ""Aston Villa"dan sakkiz ochkoga ortda qolmoqda.