«Manchester Siti» braziliyalik futbolchi bilan shartnoma imzoladi

"Koritiba" himoyachisi Yan Kouto mavsum oxirida "Manchester Siti" futbolchisiga aylanadi, deb xabar beradi ingliz klubining rasmiy sayti.

Yosh himoyachi "shaharliklar" bilan besh yillik shartnoma imzolaydi. Transfer qiymati 6 mln evroni tashkil etadi va Braziliya klubi yana 6 mln evro bonus sifatida olishi mumkin.

"Barselona" 17 yoshli futbolchini sotib olishga ham qiziqish bildirgan, ammo "Man Siti" ikki baravar ko'proq taklif qilgan.

Ma'lumot o'rnida, Kouto Braziliya U-17 jamoasi safida 13 ta uchrashuv o'tkazgan va o'tgan yili jahon chempionligini qo'lga kiritgan.