«Al-Ittihod» bosh murabbiyi Benzemaning jamoada o'ynashdan bosh tortgani haqidagi xabarlarga munosabat bildirdi
/ Kiritdi: BestMaster Ko'rilgan: 23
«Al-Ittihod» bosh murabbiyi Serjiu Konseysau hujumchi Karim Benzemaning jamoa safida o'ynashni istamayotgani haqidagi xabarlarga izoh berdi.
Avvalroq 38 yoshli forvard Saudiya klubining hamkorlik bo'yicha yangi taklifidan xafa bo'lgani haqida ma'lumotlar tarqalgan edi. Shuningdek, frantsiyalik futbolchi shaxsan o'zi Pro-liganing «Al-Fotih»ga qarshi uchrashuvi (2:2) uchun tarkibdan chiqarilishini so'ragani ta'kidlangan.
«Karim Benzema masalasida klub rahbariyatidan so'rashingiz kerak. Mening vazifam jamoani mashq qildirish, o'yinga tayyorlash, natija qayd etish va sovrinlar yutishdan iborat. Qolgani mening vazifalarim doirasiga kirmaydi. Faqat bitta narsani ayta olaman: Karim — ajoyib professional, fantastik futbolchi va men murabbiy sifatida u bilan faxrlanaman», — deya Konseysauning so'zlarini jurnalist Fabritsio Romano X ijtimoiy tarmog'ida keltiradi.
Bosh sahifaga
429