Emeri - Evropa Ligasi haqida: "Biz bu turnir biz uchun qanchalik muhimligini ko'rsatishimiz kerak"

Angliyaning "Aston Villa" klubi bosh murabbiyi Unai Emeri Evropa ligasi doirasida Avstriyaning "RB Zaltsburg" klubiga qarshi o'yin oldidan matbuot vakillari bilan muloqot qildi.

"Biz o'z maqsadimizga erishish uchun har bir mayda-chuyda narsadan foydalanishga harakat qilamiz. Biz o'yinda g'alaba qozonishni istaymiz, bu turnir biz uchun qanchalik muhimligini ko'rsatishimiz kerak," - deya murabbiyning so'zlarini keltiradi BBC.

Jarohatlar haqida gapirar ekan, Emeri Tilemans 8-10 haftaga safdan chiqqanini, Makginn 6-8 haftaga safdan chiqqanini, Garsiya esa tizza osti payidan olgan jarohati tufayli 3 haftaga safdan chiqqanini tasdiqladi.

"Aston Villa" 7 o'yinda 18 ochko jamg'arib, musobaqa jadvalida 2-o'rinda bormoqda.