Superkompyuter Chempionlar Ligasi g'olibini bashorat qildi

Opta mutaxassislari Chempionlar ligasining umumiy bosqichi yakunlangach, superkompyuterni ishga tushirishdi va undan turnir g'olibini "aytib berishni" so'rashdi.

Hisob-kitoblar shuni ko'rsatdiki, Evropaning asosiy klub turnirida g'olib chiqish uchun eng katta imkoniyat "Arsenal"ga tegishli. Ehtimollik 29,8%ni tashkil etadi. Qizig'i, "Arsenal" hali biror marta Chempionlar Ligasida g'olib bo'lmagan.

Ikkinchi o'rinda "Bavariya" turibdi, uning Chempionlar Ligasida g'alaba qozonish ehtimoli 14,9 foiz. Kuchli uchlikni 10,5 foiz ko'rsatkich bilan "Manchester Siti" yakunlab bergan.

Keyingi o'rinlarni "Liverpul" (8,9%), "Chelsi" (7,5%), "Barselona" (7%), "PSJ" (5,1%), "Nyukasl" (3,2%), "Inter" (2,7%) va "Sporting" (2,3%) jamoalari egallagan.

"Real" esa atigi 12-pog'onadan joy oldi (1,9%).