Rafinya: "Men "Oltin to'p"ga loyiq edim"

"Barselona" vingeri Rafinya Dias 2025 yilgi "Oltin to'p"ga loyiqman deb hisoblamoqda. Xabaringiz bor, braziliyalik ovoz berishda beshinchi o'rinni egalladi. Sovrinni "PSJ" a'zosi Usmon Dembele qo'lga kiritdi.

"Men xafa bo'ldim. Kamida top-3 ga kirishni kutgandim. O'zimni qaysi o'ringa qo'ygan bo'lardim? Birinchiga. Individual mukofot faqat bitta turnirga bog'liq bo'lishi mumkin emas. Men qo'lga kiritgan unvonlarim, erishgan raqamlarim va qo'shgan hissam uchun g'alaba qozonishga loyiq edim", - deya Rafinyaning so'zlarini keltiradi Sofascore.

"Barselona" Ispaniya La Ligasi turnir jadvalida ikkinchi o'rindagi "Real"ni bir ochkoga ortda qoldirib, peshqadamlik qilmoqda.