«Real» yana erkin agentlarni «ovlamoqda»

"Real" yanvarda futbolchilar bilan shartnoma imzolamaydi, ammo yozda tarkibni kuchaytirmoqchi. Madrid klubining vazifalaridan biri - himoya chizig'ini kuchaytirish. Yozgi transfer oynasida "qaymoqranglilar" himoya markaziga bir yoki ikki o'yinchini olishlari mumkin.

Cadena SER xabariga ko'ra, "Real" yozda erkin agentga aylanishi mumkin bo'lgan bir nechta futbolchilar bo'yicha muzokaralarni tezlashtirmoqda. Bunday futbolchilar qatorida "Liverpul"dan Ibraima Konate va "Bavariya"dan Dayo Upamekano ham bor.