Rosenor nima uchun Gittensni zaxiraga olganini tushuntirdi

"Chelsi" bosh murabbiyi Liam Rosenor Chempionlar Ligasi umumiy bosqichining so'nggi turida "Napoli"ga qarshi o'yinda (3:2) vinger Jeymi Bayno-Gittensni nima uchun almashtirganini aytdi.

Angliyalik futbolchi ikkinchi bo'lim boshida 1:2 hisobi vaqtida maydonga tushdi. Uchrashuv yakunida 3:2 hisobi vaqtida vinger o'rniga Benua Badyashil o'yinga qo'shildi.

"Gittens maydonga tushib, ajoyib o'ynadi. Biz uni o'yin oxirida almashtirdik, chunki maydonga baland bo'yli Lukaku tushdi va menga maydonda himoyachilar kerak edi," - dedi Rosenor o'yindan keyin.

Jeymi Bayno-Gittens "Chelsi"ga 2025 yilda "Borussiya" Dortmunddan 56 million evro evaziga o'tgandi. Uning shartnomasi 2032 yilning 30 iyuniga qadar mo'ljallangan. Joriy mavsumda vinger "ko'klar" safida barcha musobaqalarda 26 ta o'yinda maydonga tushib, bitta gol urdi va beshta golli uzatmani amalga oshirdi.