"Qayrat" EChLni g'alabasiz yakunladi

"Qayrat" Chempionlar ligasining debyut mavsumida umumiy bosqichda g'alaba qozona olmadi.

So'nggi turda Olmaota jamoasi safarda "Arsenal"ga 2:3 hisobida imkoniyatni boy berdi. "Qayrat" 1 ochko bilan so'nggi, 36-pog'onani band etdi.

Chempionlar ligasining asosiy bosqichida ilk bor ishtirok etgan "Qayrat" umumiy bosqichdagi 8 o'yinning 7tasida - "Sporting" (1:4), "Real" (0:5), "Inter" (1:2), "Kopengagen" (2:3), "Olimpiakos" (0:1), "Bryugge" (1:4) va "Arsenal"ga (2:3) yutqazdi. Qozog'istonliklar yagona ochkoni "Pafos"ga qarshi o'yinda (0:0) qo'lga kiritishdi.

Umumiy hisobda "Qayrat" 7 ta gol urdi va 22 ta gol o'tkazib yubordi.