"Bavariya" EChL umumiy bosqichini yuqori tempda o'tkazdi

"Bavariya" Chempionlar Ligasi umumiy bosqichining 8 o'yinidan 7 tasida g'alaba qozondi.

So'nggi turda myunxenliklar safarda PSVni 2:1 hisobida mag'lub etdi.

"Bavariya" EChLning joriy mavsumi umumiy bosqichidagi yagona mag'lubiyatini "Arsenal"dan qabul qilib oldi (1:3). Vensan Kompani jamoasi 21 ochko bilan 1/8 finalga yo'l oldi va turnir jadvalida 2-o'rinni egalladi. "Bavariya"ning gollar nisbati - 22:8.