«Real» darvozasiga gol urgan «Benfika» darvozaboni nimalar dedi?

Lissabonning "Benfika" klubi darvozaboni Anatoliy Trubin Chempionlar ligasi 8-turidan o'rin olgan "Real" Madridga qarshi bahsda gol urganidan so'ng o'z fikrlarini bildirib o'tdi.

«Avvaliga mendan nima istashayotganini tushunmadim. Keyin meni raqib jarima maydoniga yuborishayotganini tushundim va u erga yugurdim. Bu aqldan ozish edi. Gol urishga muvaffaq bo'ldim. Bu mening faoliyatimdagi birinchi gol. Ajoyib lahza», - deya ukrainalik darvozabonning so'zlarini keltiradi A Bola nashri.

"Benfika" o'z maydonida Alvaro Arbeloa shogirdlarini 4:2 hisobida mag'lub etdi. Trubinning goli evaziga Joze Mourino jamoasi Evropa Chempionlar Ligasi pley-off bosqichiga yo'l oldi.