Menyan Leau bilan birga "Milan"ning eng ko'p maosh oluvchi futbolchisiga aylanadi

Frantsiyalik darvozabon Mayk Menyan "Milan" bilan shartnomani uzaytiradi - u portugaliyalik hujumchi Rafael Leau bilan birga Italiya klubining eng ko'p maosh oluvchi futbolchisiga aylanadi.

Quotidiano Sportivo xabariga ko'ra, Menyan bir mavsum uchun hozirgi 2,8 million evrodan sof besh millionga, shuningdek, ehtimoliy bonuslar bilan yana ikki millionga ko'tariladi. Shartnoma 2031 yilgacha imzolanadi.

Eslatib o'tamiz, Mayk 2021 yilning 1 iyulida A Seriyaga ko'chib o'tgan va o'shanda "Milan"ga 16 million evroga tushgandi.