EChLda navbatdagi dahshat: "Benfika" "Real" darvozasiga 90+8-daqiqada darvozabon tomonidan kiritilgan gol evaziga 24-o'rin bilan pley-offga chiqdi

"Real" Chempionlar Ligasi umumiy bosqichining 8-turida "Benfika" mehmoni bo'lib, 2:4 hisobida imkoniyatni boy berdi.

Madridliklar safida Kilian Mbappe dubl qayd etdi. Frantsiyalik futbolchi 30 va 58-daqiqalarda gol urdi. O'yin oxirida "qaymoqranglilar" bir kishi kam bo'lib qoldi - 90+2-daqiqada Raul Asensio qizil kartochka oldi.

Lissabonliklar safida Andreal Shelderup dublga erishdi. Yana bir golni Vangelis Pavlidis penaltidan kiritdi. O'yin oxirida to'rtinchi golni "Benfika" darvozaboni Anatoliy Trubin jarima zarbasidan keyin boshi bilan urdi.

"Benfika" 9 ochko bilan 24-o'rinda pley-offga chiqdi. 15 ochkosi bor "Real" 8 talikdan tushib qoldi va 9-o'rinni egalladi.

Benfika - Real - 4:2

Gollar: Mbappe, 30 (0:1). Shelderup, 36 (1:1). Pavlidis, 45 - penaltidan (2:1). Shelderup, 54 (3:1). Mbappe, 58 (3:2). Trubin, 90 (4:2)

Benfika: Trubin, Dal, Otamendi, Arauju, Dedich, Eursnes, Barreyru, Shelderup (Silva, 90), Sudakov (Barrenechea, 83), Prestianni (Regu, 87), Pavlidis (Ivanovich, 90)

Real: Kurtua, Karreras (Dias, 79), Xyoysen (Alaba, 79), Raul Asensio, Valverde, Bellingem, Tchuameni (Kamavinga, 55), Arda Gyuler (Sestero, 79), Vinisius Junior, Mbappe, Mastantuono (Rodrigu, 55)

Ogohlantirishlar: Barreyru, 11. Dal, 85 - Tchuameni, 3. Raul Asensio, 45. Xeysen, 62. Karreras, 67. Rodrigu, 90

Chetlatishlar: Raul Asensio, 90 (ikkinchi sariq kartochka). Rodrigu, 90 (ikkinchi sariq kartochka)