«Man Siti» futbolchisining yangi manzili ma'lum

Hujumkor yarim himoyachi Oskar Bobb klubini o'zgartirmoqda. Nufuzli insayder Fabritsio Romanoning ijtimoiy tarmoqlarda yozishicha, "Fulxem" va "Manchester Siti" 22 yoshli futbolchining transferi borasida kelishib olgan.

"Fulxem" Bobbning to'laqonli transferi uchun 27 million funt (taxminan 31,2 million evro) to'laydi. "Manchester Siti" Oskarning keyingi transferi qiymatining 20 foizini o'zida saqlab qoladi.

Yaqin orada Oskar Bobb tibbiy ko'rikdan o'tishi kerak. Agar muammolar aniqlanmasa, transfer uzil-kesil rasmiylashtiriladi.