Marselino: "Umid qilamanki, bu futbolchilarda yana EChLda o'ynash imkoniyati bo'ladi"

Ispaniyaning "Vilyarreal" klubi bosh murabbiyi Marselino Garsiya Toral Chempionlar ligasi umumiy bosqich 8-turidan o'rin olgan Germaniyaning "Bayer" klubiga qarshi kechadigan o'yin haqida fikr bildirdi. Uchrashuv bugun, 28 yanvar kuni bo'lib o'tadi.

"Men Chempionlar Ligasining har bir o'yinida bo'lgani kabi o'yinga xotirjam, aniq maqsad va ishtiyoq bilan yondashaman. Bunday o'yinlarda barchaning, ayniqsa, o'tgan mavsumdagi futbolchilarning sharofati bilan ishtirok etayotganimizdan baxtiyormiz. Hammasi biz xohlagandek bo'lmadi va bu xafa qiladi, lekin bu futbol va bunday holatlar bo'lib turadi. Bu foydali tajriba bo'ldi va umid qilamanki, bu futbolchilarda yana Chempionlar Ligasida o'ynash imkoniyati bo'ladi," - deya Marselinoning so'zlarini keltiradi UEFA rasmiy sayti.