Maguayr «Man Yunayted»ni tark etishi mumkin

So'nggi o'yinlarda himoyachi Xarri Maguayr o'zini yaxshi ko'rsatmoqda. Biroq, uning "Manchester Yunayted" bilan shartnomasini uzaytirish ehtimoli tobora kamayib bormoqda. Bu haqda Daily Mail sahifalaridagi materialda aytiladi.

Maguayrning amaldagi shartnomasi yozda o'z nihoyasiga etadi va hozirda klub uni uzaytirish bo'yicha muzokaralarni boshlamoqchi emasligi ko'rinib turibdi. Maykl Kerrik Xarrining muxlisi, ammo rahbariyat keyingi mavsumda Leni Yoro va Eyden Xevenning o'yin amaliyotiga ega bo'lishini xohlaydi. Klubdagilarning fikricha, bu ikki futbolchi uzoq yillar davomida himoyaning poydevori bo'lib xizmat qiladi.

Mart oyida Xarri Maguayr 33 yoshga to'ldi. Unga Premer-liganing boshqa klublari va A Seriyaning bir nechta klublari qiziqish bildirmoqda.