"Latsio" Maldinining o'g'lini ijaraga oldi

Rimning "Latsio" klubi butun faoliyatini "Milan"da o'tkazgan Paolo Maldinining o'g'li, 24 yoshli yarim himoyachi Daniel Maldini bilan ijara shartnomasi tuzdi. Bu haqda Rim klubi rasmiy sayti xabar tarqatmoqda.

Maldini 1 mln evro evaziga "Latsio"ga o'tdi. Ijara shartnomasi joriy mavsum yakuniga qadar mo'ljallangan. Shartnoma shartlariga 10 mln evro evaziga sotib olish optsiyasi kiritilgan bo'lib, u rimliklar evrokuboklarga yo'l olgan taqdirda avtomatik ravishda ishga tushadi.

Joriy mavsumda Maldini "Atalanta" safida A Seriyada 9 ta o'yinda maydonga tushdi.