"Liverpul" "Kristal Pelas" xavbeki bilan muzokara o'tkazdi

"Kristal Pelas" yarim himoyachisi Adam Uorton faoliyatini "Liverpul"da davom ettirishi mumkin. Bu haqda DaveCope xabar bermoqda.

Manbaga ko'ra, tomonlar ehtimoliy o'tish bo'yicha muzokaralar olib borgan. Qayd etilishicha, Uortonning o'zi boshqa yirik klublar qiziqish bildirayotganiga qaramay, "Enfild"ga o'tishni karerasini rivojlantirishning ustuvor varianti deb hisoblaydi.

Joriy mavsumda 21 yoshli Uorton barcha musobaqalarda 31ta o'yin o'tkazib, 3ta gol urgan.

Uortonning "burgutlar" bilan mehnat shartnomasi 2029 yilning yozigacha mo'ljallangan. Transfermarkt portali mutaxassislari angliyalikning narxini 60 million evroga baholamoqda.