"Kopengagen" murabbiyi: "Yamalni to'xtatib bo'lmaydi, lekin bizda reja bor"

"Kopengagen" bosh murabbiyi Yakob Neestrup "Barselona" yulduzi Lamin Yamala haqida qanday fikrda ekanini aytdi.

Daniya jamoasi Chempionlar ligasi umumiy bosqichining so'nggi turida "ko'k-anorranglilar"ga qarshi bahs olib boradi.

"Lamin - ajoyib o'yinchi. Ko'plab murabbiylar uni to'xtatish yo'lini o'ylab topishga harakat qilishdi, ammo buning iloji yo'q. Yamalga qarshi o'yin bo'yicha rejamiz bor, ammo asosiy maqsadimiz - ertangi o'yinda maksimal darajani ko'rsatish," - dedi Neestrup matbuot anjumanida.