"Ishlash kerak": Arbeloa Mbappe - Vinisius juftligi haqida fikr bildirdi

Madridning "Real" klubi bosh murabbiyi Alvaro Arbeloa jamoasining yulduzli hujumkor dueti haqida qanday fikrda ekanini aytdi.

So'nggi uchta o'yinda "qaymoqranglilar" uchta g'alabaga erishib, jami o'nta gol urishdi.

"Shubhasiz, ularning maydondagi o'zaro hamkorligi biz uchun hal qiluvchi ahamiyatga ega. Biz bu aloqani rivojlantirishimiz kerak. Mbappe, Vinisius va Bellingem dunyoning eng kutilmagan o'yinchilari uchligini tashkil qilishi mumkin. Ammo biz shug'ullanayotgan, ustida ishlash kerak bo'lgan boshqa ko'plab jihatlar mavjud. Vaqt o'tishi bilan biz ko'proq narsaga erishamiz," - dedi ispaniyalik murabbiy matbuot anjumanida.