Edegor: «Real Sosedad» bilan EChLda o'ynamoqchiman»

Huquqiy jihatdan Madridning "Real" klubiga tegishli bo'lgan, ayni paytda ijara asosida faoliyatini "Real Sosedad" klubida davom ettirayotgan Martin Edegor kelajagi borasida fikr bildirdi.

«Har doim muxlislar menga EChLga chiqishimiz borasida savollar berishadi. Ularga hozirgi klubim bilan mazkur musobaqada ishtirok etishdan xursand bo'lishimni aytaman. Men ikki yildan beri «Sosedad» tarkibida o'ynab kelyapman. Har bir futbolchi eng muhim sovrinlar uchun kuchli klublarga qarshi kurashishni orzu qiladi. Men ham aynan mana shu maqsadga intilaman.

Ammo biz boshqa kuchli klublarning qiyin raqobatiga qarshi doim tayyor turishimiz kerakligini tushunamiz. «Xetafe», «Valensiya», «Atletiko» va «Sevilya» klublari EChL uchun kurash olib borishda bizning asosiy raqiblarimiz hisoblanishadi», — dedi Martin Edegor.