Gyundogan: "Xoland - mashina, uni to'xtatish zarur bo'ladi"

"Galatasaroy" yarim himoyachisi Ilkay Gyundogan "Manchester Siti"ga qarshi o'yin oldidan Erling Xoland haqidagi savolga javob berdi.

"Xolandni hech qachon past baholamaslik kerak. Erling - dunyoning eng yaxshi hujumchilaridan biri, haqiqiy gol urish mashinasi va u istagancha gol urishga qodir ekanini hammamiz bilamiz. Uni 90 daqiqa davomida ushlab turish deyarli imkonsiz. Biz uchun jamoaviy tarzda uni to'xtatish, darvoza oldida imkon qadar o'ziga qulay vaziyatlarga kamroq yo'l qo'yishga harakat qilish muhim. Agar ertangi o'yinda nimagadir erishmoqchi bo'lsak, bu zarur," - deya Gyundoganning so'zlarini keltiradi City Report.

Eslatib o'tamiz, 35 yoshli xavbek joriy mavsum avvalida "Manchester Siti"dan "Galatasaroy"ga o'tgan edi.