TEAMtalk: «Manchester Yunayted» Afrika kubogi g'olibiga ko'z tikdi

«Manchester Yunayted» yozgi transferlar oynasida Senegal terma jamoasi va «Everton»ning qanot hujumchisi Iliman Ndiayeni transfer ro'yxatiga kiritishi kutilmoqda. Bu haqda TEAMtalk nashri xabar berdi.

Manbaga ko'ra, 25 yoshli vingerni qo'lga kiritish uchun «qizil iblislar» katta miqdorda mablag' to'lashiga to'g'ri kelishi mumkin. Ayni paytda «Everton» senegallik futbolchiga aniq narx belgilamagan, chunki klub uni sotish niyati yo'qligini ta'kidlamoqda.

Ma'lumot o'rnida. Ndiaye yaqinda yakuniga etgan Afrika kubogi musobachasida chempionlikni qo'lga kiritdi.

Joriy mavsumda «Everton» qanot hujumchisi barcha musobaqalarda 19 ta o'yinda ishtirok etib, 4 ta gol va 2 ta golli uzatma muallifi bo'ldi. Futbolchining klub bilan amaldagi shartnomasi 2029 yil yoziga qadar mo'ljallangan. Transfermarkt ma'lumotlariga ko'ra, Ndiayening bozor qiymati 45 mln evroni tashkil etadi.