Laporta "Barselona"ga Alvaresni olib kelishni orzu qilmoqda, Deku esa arzonroq variantlarni ko'rib chiqmoqda

"Barselona" prezidenti Joan Laporta yozgi transferlar oynasida katta kelishuvga erishishga umid qilmoqda.

Kataloniya grandi rahbarining ustuvor transfer maqsadi "Atletiko" forvardi Xulian Alvares bo'lib qolmoqda, deya xabar bermoqda ESPN. Argentinalik futbolchining transferi 100 mln evrodan ko'proqqa tushadi va "ko'k-anorranglilar" bu talabni qondira olish-olmasligi hozircha noma'lum. Manbaning qo'shimcha qilishicha, sport direktori Deku boshqa, yanada arzonroq variantlarni ham ko'rib chiqmoqda: masalan, ro'yxatda hamon "Yuventus" vakili Dushan Vlaxovich bor, u erkin agentga aylanadi.

So'nggi paytlarda "Barselona" hujumchini qidirishni kuchaytirdi. Eslatib o'tamiz, Robert Levandovskining shartnomasi yarim yildan so'ng yakunlanadi - polshalik katta ehtimol bilan klubni tark etadi.