"Barselona" Keyn haqida so'rov yubordi va javob oldi

"Barselona" bu oyda Xarri Keyn uchun norasmiy so'rov yubordi. Kataloniyaliklar ingliz hujumchisi bilan bog'lanib, yozgi transfer imkoniyatini chamalab ko'rdi. Biroq Keynning vakillari bunday variantni rad etishdi. Bu haqda The Touchline xabar bermoqda.

Avvalroq, "Bavariya" sport direktori Maks Eberl Keyn bilan shartnomani uzaytirish bo'yicha muzokaralar olib borilayotgani haqida gapirgandi.

Matbuotda 32 yoshli Keyn "Bavariya" bilan 2027/2028 yilgi mavsum oxirigacha yoki hatto 2028/2029 yilgi mavsum oxirigacha mo'ljallangan shartnoma imzolashi mumkinligi haqida yozishmoqda.

Transfermarkt portali Xarri Keynni 65 million evroga baholamoqda.