«Yuventus» o'z futbolchisidan voz kechmoqchi

The Sun nashrining tarqatgan ma'lumotiga qaraganda, Turinning «Yuventus» klubi yozda o'z yarim himoyachisi Aaron Remzidan qutilmoqchi.

«Keksa sinora» 29 yoshli yarim himoyachining o'yinidan qoniqish hosil qilmayapti. Klub rahbariyati ushbu futbolchi bilan shartnoma imzolab xato qilganini anglab etdi.

Qayd etilishicha, Londonning «Arsenal» klubi yozda Remsini ortga qaytarishga harakat qilib ko'radi.

Eslatib o'tamiz, uelslik futbolchi «Yuventus» klubi tarkibiga o'tgan yilning yozida erkin agent sifatida kelgandi va jamoa bilan 2023 yilning yozigacha shartnoma imzolagandi.