"Manchester Siti" rahbariyati Gvardiolaning Vinisius bo'yicha so'rovini rad etdi

"Real" hujumchisi Vinisius Junior "Manchester Siti"ga o'tishi mumkin edi.

Jurnalist Sasha Tavolerining yozishicha, braziliyalikning agenti o'z mijozining xizmatlarini "Manchester Siti"ga taklif qilgan. Shuningdek, u "shaharliklar" bosh murabbiyi Xosep Gvardiola bilan ham muzokara o'tkazdi. Ispaniyalik mutaxassisga Vinisiusni sotib olish g'oyasi yoqdi, ammo "Manchester Siti" rahbariyati e'tiborni boshqa futbolchilarga qaratishga qaror qildi.

Vinisius Junior "Real" safida 2018 yildan buyon to'p tepib kelmoqda. Uning madridliklar bilan shartnomasi 2027 yilning 30 iyuniga qadar imzolangan. Joriy mavsumda forvard 31 ta o'yinda maydonga tushib, ettita gol urdi va 11 ta golli uzatmani amalga oshirdi.