Andre Onana yana qadrdon jamoasiga qaytishi mumkin

Darvozabon Andre Onana "Manchester Yunayted"ning asosiy darvozaboni maqomini yo'qotdi va sentyabr oyida "Trabzonspor"ga ijaraga ketdi. Kamerunlik futbolchi yaqin kelajakda "Inter"ga qaytishi mumkin.

Daily Mail sahifalarida yozilishicha, Onananing vakillari shu hafta Milanda bo'lib turibdi. Ular allaqachon "Inter" vakillari bilan uchrashib, darvozabonning qaytishi masalasini muhokama qilishgan.

Andre Onana 2022/2023 yilgi mavsumda "Inter" sharafini himoya qilgan. Kamerunlik futbolchi "neradzurrilar" safida 41 ta o'yinda 36 ta gol o'tkazib yuborgan.

Nufuzli Transfermarkt portali mutaxassislari Onanani 15 million evroga baholamoqda. Aprel oyida Andre 30 yoshga to'ladi.