Klopp Madrid klubini boshqaradigan bo'lsa, "Real" yulduzini sotadi

"Liverpul"ning sobiq bosh murabbiyi Yurgen Klopp yozda "Real"ga ustozlik qilishi mumkin.

Topskills Sport UK xabariga ko'ra, agar germaniyalik mutaxassis "qaymoqranglilar"ning yangi bosh murabbiyiga aylansa, uning dastlabki qarorlaridan biri yarim himoyachi Jud Bellingemni sotish bo'ladi. Sababi Klopp inglizni etarlicha professional futbolchi deb hisoblamaydi.

Jud Bellingem 2023 yilning yozida "Borussiya" Dortmunddan 127 million evro evaziga "Real"ga o'tgandi. Uning shartnomasi 2029 yilning 30 iyuniga qadar imzolangan. Yarim himoyachi joriy mavsum "qaymoqranglilar" safida 26 ta o'yinda maydonga tushib, 6 ta gol urdi va 4 ta golli uzatmani amalga oshirdi.