Kamavinga "Real" va "Liverpul" o'rtasida tanlov qildi

"Liverpul" "Real" yarimhimoyachilaridan birini o'z safiga qo'shib olishga qiziqish bildirayotgan edi. Mersisaydliklarning diqqat markazida frantsuz Eduardo Kamavinga turardi.

Manbaga ko'ra, futbolchining "qirollik klubi"ni tark etishni istamagani sababli kelishuv amalga oshmagan. Kamavinga faoliyatini "qaymoqranglilar" safida davom ettirishga qaror qildi.

23 yoshli yarim himoyachi "qirollik klubi" bilan 2029 yilning yarmigacha shartnoma imzolagan. Eduardo joriy mavsum "qaymoqranglilar" safida 23 ta uchrashuvda ishtirok etdi.

Transfermarkt portali ekspertlari frantsiyalik xavbekning bozor narxini 50 million evroga baholamoqda.