«Barsa» o'z yulduziga 1 milliard evro tovon puli belgilaydi

Bir kun avval "Barselona" Fermin Lopes bilan shartnomani uzaytirishga kelishib olgani ma'lum bo'lgandi.

Jurnalist Fabritsio Romanoning so'nggi ma'lumotlariga ko'ra, Kataloniya klubi 22 yoshli ispaniyalik futbolchiga juda katta tovon puli belgiladi. Xabarlarga ko'ra, uning yangi shartnomasidagi tovon puli bir milliard evroni tashkil etadi.

Fermin Lopes 2023 yildan beri "Barselona" sharafini himoya qilmoqda. Joriy mavsumda uning hisobida La Ligada 15 ta o'yin bor. Ushbu bellashuvlar doirasida futbolchi 4 ta gol urdi va 4 ta golli uzatmani amalga oshirdi.