Ivan Perishich "Inter"ga qaytishga yaqin turibdi — manba

PSVning xorvatiyalik vingeri Ivan Perishich tez orada Milanning "Inter" klubiga qaytishi mumkin.

Jurnalist Ekrem Konurning yozishicha, 36 yoshli futbolchi "neradzurrilar" safiga o'tish arafasida turibdi. Perishich sobiq jamoasi bilan 2027 yilgacha mo'ljallangan shartnoma imzolashi mumkinligi aytilmoqda. Bitim keyingi haftadayoq butunlay yopilishi mumkin.

Perishich 2015 yildan 2022 yilgacha "Inter" sharafini himoya qilgan. O'tgan yilning yozidan beri vinger PSV sharafini himoya qilmoqda. Bu mavsumda futbolchi Niderlandiya klubi safida 27 ta o'yinda maydonga tushib, 5 ta gol urdi va 10 ta golli uzatmani amalga oshirdi.

Transfermarkt portali ma'lumotlariga ko'ra, Perishichning bozor narxi 1,3 mln evroni tashkil qilmoqda.