Fermin: «Ba'zan hammasidan voz kechish va ketib qolish haqida o'ylardim»

"Barselona" hujumkor yarim himoyachisi Fermin Lopes klub akademiyasida o'tkazgan davrlarni yodga oldi.

"Futboldan voz kechish haqida hech qachon o'ylamaganman, lekin akademiyadagi o'smirlik yillarimda o'zimni jamoadoshlarimdan ancha past darajada his qilardim.

Bir paytlar maydonga tushmay qo'ydim va o'zimga "uyga qaytaman", dedim. "La Masiya"da yig'lagan paytlarim ham bo'lgan — o'sha davr men uchun juda og'ir edi. Ba'zan hammasidan voz kechish va ketib qolish haqida ham o'ylardim", - dedi 22 yoshli ispaniyalik futbolchi.

Joriy mavsumda Fermin jami 25 ta o'yinda 10 tadan gol va assist muallifi bo'lgan.