Mastantuono: «Arbeloa bilan «Real» o'z maqsadlariga erishadi»

Madridning "Real" klubi safida to'p tepayotgan argentinalik xavbek Franko Mastantuono jamoaning yangi ustozi Alvaro Arbeloa haqida fikr bildirdi.

"Arbeloa menga ishonadi. Unga va uning yordamchilariga qo'llab-quvvatlaganlari uchun minnatdorman. U yaxshi mutaxassis. Arbeloa bilan "Real" o'z oldiga qo'ygan maqsadlariga erisha oladi," - deya yarim vingerning so'zlarini keltiradi Madrid Zone.

Franko "qirollik klubi" safiga o'tgan yilning yozida "River Pleyt"dan kelib qo'shilgandi. Argentinalik "qaymoqranglilar" bilan 2031 yilning yarmigacha mo'ljallangan mehnat shartnomasini imzolagan.