Ronaldu "An-Nasr" g'alabasidan keyin bayonot berdi

"An-Nasr" Saudiya Arabistoni Pro-ligasining 19-tur bahsida "At-Taavun"ni 1:0 hisobida mag'lub etdi. O'yindan keyin Krishtianu Ronaldu ijtimoiy tarmoqlarda post qoldirdi.

"Qadam-baqadam. Butun diqqat-e'tiborni maqsadimizga yo'naltiramiz!" - deyiladi Ronalduning bayonotida.

3 ochko jamg'argan "An-Nasr" Saudiya Arabistoni chempionati turnir jadvalida 2-o'ringa ko'tarilib oldi. Ular etakchi "Al-Hilol"dan 5 ochko ortda qolmoqda.

Tez orada, 5 fevral kuni Krishtianu Ronaldu 41 yoshni qarshi oladi. Hujumchining "An-Nasr" bilan shartnomasi 2026/2027 yilgi mavsum oxirigacha mo'ljallangan.