«Real» narxi 40-50 million evroga teng «Betis» himoyachisiga qiziqmoqda

Madridning «Real» klubi «Betis»ning braziliyalik markaziy himoyachisi Natanga qiziqish bildirmoqda. Shuningdek, futbolchiga «Chelsi» va «Nyukasl» klublari ham e'tibor qaratmoqda. Sevilya klubi himoyachi uchun € 40 mlndan € 50 mlngacha bo'lgan narx belgilagan. Bu haqda jurnalist Ekrem Konur X ijtimoiy tarmog'ida xabar berdi.

Futbolchining jamoa bilan shartnomasi 2030 yil iyunigacha amal qiladi. Joriy mavsumda Natan barcha musobaqalarda 27 ta uchrashuvda ishtirok etib, bitta golli uzatma bilan ajralib turdi. Transfermarkt ma'lumotlariga ko'ra, himoyachining bozor qiymati € 20 mlnni tashkil etadi.

Ispaniya chempionatining 21-turidan keyin «Real» turnir jadvalida ikkinchi o'rinda bormoqda — jamoa hisobida 51 ochko bor. Jamoa peshqadam «Barselona»dan bir ochko ortda qolmoqda. «Betis» esa 32 ochko bilan oltinchi pog'onada joylashgan.