"Liverpul" Alonso bo'yicha maxfiy muzokaralar olib bordi - murabbiy jamoaga to'rt nafar yangi o'yinchi tanladi

Matbuotda "Liverpul" allaqachon Arne Slotni boshqa murabbiyga almashtirish haqida qaror qabul qilgani haqida yozishmoqda. Mersisaydliklarni kelasi yozda yaqinda "Real" boshqaruvidan ketgan Xabi Alonso qabul qilib olishi mumkin. Indykaila News xabariga ko'ra, juma kuni "Liverpul" Alonso bo'yicha muzokaralar o'tkazgan.

"Liverpul" Ispaniyadagi maxfiy joyda Xabi Alonso vakillari bilan uchrashuv o'tkazdi," - deyiladi xabarda.

Manbaga ishonadigan bo'lsak, tomonlar Alonsoning taktik qarashlari tafsilotlari va yozgi transfer maqsadlarini muhokama qilishgan. Unga Mikki van de Ven, Adam Uorton, Bredli Barkolya, Maykl Olise kabi futbolchilar taklif etildi.

Hozirda "Liverpul" Premer-liga jadvalida oltinchi o'rinni egallab turibdi.