Pato ingliz klubini sotib olish bo'yicha muzokaralar olib bormoqda

Braziliya terma jamoasi va "Milan"ning sobiq hujumchisi Aleshandre Pato Angliya Ikkinchi ligasi vakili "Kolchester Yunayted"ni sotib olish bo'yicha muzokaralar olib bormoqda, deya xabar bermoqda Britaniya matbuoti.

36 yoshli futbolchi 2023 yilda faoliyatini yakunlagan, u faoliyati davomida 100 million funt shaxsiy boylik to'plagan.

Patoni o'tgan hafta oxirida "Kolchester Yunayted"ning "Flitvud Taun"ga (2:1) qarshi o'yinida payqashgandi. Esseks grafligidagi klub sotuvga qo'yilgan va tez orada uning yangi egasi A Seriyaning sobiq forvardi bo'lishi mumkin.