Michel mavsum oxiriga qadar "Jirona" qancha ochko to'plashi kerakligini aytdi

"Jirona" bosh murabbiyi Michel jamoaning kadrlar bilan bog'liq holati va La Liga 21-turidan o'rin olgan "Xetafe"ga qarshi o'yindan nimalar kutayotgani haqida gapirdi.

"Tayyor bo'lishi ham, tayyor bo'lmasligi ham mumkin bo'lgan futbolchilar bor - ular qisman mashg'ulot o'tkazgan, ammo savol ostida qolmoqda. Gap Stuani, Abel Ruis, Vitsel haqida ketyapti... Ular qaytishga juda yaqin, ammo ertagayoq jamoaga yordam bera olish-olmasligini yaxshilab o'ylab ko'rish kerak.

Biz 42 ochkoni qo'lga kiritishimiz kerak. La Liga qanchalik murakkablashganini hamma ko'rib turibdi - ko'plab jamoalar 10-12 o'rinlar oralig'ida joylashgan va kurash juda tig'iz. Bu ballarni to'plashimiz muhim", - deya Michelning so'zlarini keltiradi AS.