"Man Siti" vingeri London klubiga o'tish arafasida turibdi

"Fulxem" "Manchester Siti"dan Oskar Bobb transferi bo'yicha kelishuvga erishishga yaqin turibdi. Bu haqda Sky Sports xabar berdi.

Manbaga ko'ra, "Fulxem" allaqachon Bobbga taklif bilan chiqqan. Muzokaralar davom etmoqda, tomonlar hali muayyan ishlarni amalga oshirishlari kerak.

Londonliklar allaqachon 22 yoshli Bobb bilan shaxsiy shartnoma shartlarini kelishib olishgan. Klublar barchasini uzil-kesil kelishib olgach, norvegiyalik tibbiy ko'rikdan o'tishga va mehnat shartnomasini imzolashga tayyor bo'ladi.