«Man Siti» Trent bilan bog'landi

"Real" himoyachisi Trent Aleksandr-Arnold Angliyaga qaytishi mumkin. Bu haqda jurnalist Gilem Balage xabar berdi.

Manbaga ko'ra, futbolchining transferiga "Manchester Siti" qiziqish bildirmoqda. "Shaharliklar" so'nggi vaqtlarda Madrid klubida futbolchining kelajagi noaniqligi fonida lateral bilan aloqa o'rnatishdi.

Trent "Real"ga 2025 yilning yozida "Liverpul"dan ko'chib o'tgandi. Himoyachi joriy mavsum 11 ta o'yinda maydonga tushdi va 1 ta golli uzatmani amalga oshirdi.