"Flamengo" Paketa transferi ustida ishlashda davom etmoqda

"Flamengo" Angliyaning "Vest Xem" klubi yarim himoyachisi Lukas Paketani o'z safiga qo'shib olishga harakat qilmoqda. Bu haqda jurnalist Ben Jeykobs xabar bermoqda.

Avvalroq, vataniga qaytishni istagan futbolchining o'zi barcha shartlarni kelishib olganiga qaramay, braziliyaliklar 40 million evrolik taklifdan keyin rad javobini olgani ma'lum bo'lgandi. Manbaga ko'ra, "Flamengo" taklif qilinayotgan summani yana 1 millionga oshirishga tayyor.

28 yoshli Paketa mavsumda 19 ta uchrashuvda 5 ta gol urdi va 1 ta golli uzatmani amalga oshirdi.