Ter Shtegen "Jirona" safida hozircha o'ynay olmaydi

"Jirona" safiga ijara asosida kelib qo'shilgan Mark-Andre ter Shtegen ro'yxatdan o'tishda muammolarga duch keldi. Bu haqda Relevo xabar bermoqda.

La Ligada amalda bo'lgan qoidalarga ko'ra, darvozabonlar faqat 1, 13 va 25-raqamlarda o'ynash huquqiga ega. Ularning hammasi "Jirona"da band edi. Endi klub uch darvozabon - Dominik Livakovich, Vladislav Krapivtsov yoki Paulo Gassanigalardan biri bilan xayrlashishi kerak.

So'nggi ma'lumotlarga ko'ra, "Jirona" Dominik Livakovichni Zagrebning "Dinamo" klubiga jo'natadi, shundan so'ng ter Shtegen ro'yxatdan o'tadi.