"Chelsi", "Liverpul" va "Bavariya" qimmatbaho futbolchi uchun kurash olib bormoqda

"Renn" markaziy himoyachisi Jeremi Jake Evropa grandlari e'tibor markazida bo'lib turibdi.

20 yoshli futbolchi uchun kurashni "Chelsi", "Liverpul" va "Bavariya" davom ettirmoqda - uchala klub ham frantsuzni kelasi yozda o'z safiga qo'shib olishni istamoqda. "Renn" joriy mavsum davomida futbolchini qo'yib yuborishdan bosh tortdi, ammo yozgi transfer bo'yicha hozirdanoq muzokaralar olib borishga tayyor, deya xabar bermoqda insayder Fabritsio Romano. Mavsumlar oralig'ida Jake uchun jiddiy kurash bo'lishi kutilmoqda.

Xabaringiz bor, "Renn" istiqbolli markaziy himoyachini sotish orqali klub uchun rekord darajadagi 65-70 million evro ishlab olmoqchi. "Transfermarkt" portali Jakening narxini 20 mln evroga baholamoqda.