Maldinining o'g'li Italiya top-klubiga o'tishga yaqin turibdi

"Atalanta" yarim himoyachisi Daniel Maldini klubini o'zgartirishga yaqin turibdi.

"Milan" afsonasi Paolo Maldinining o'g'li 2025 yilning fevralidan beri bergamoliklar sharafini himoya qilmoqda. U joriy mavsum 11 ta o'yinda maydonga tushdi va 1 ta golli uzatmani amalga oshirdi.

Insayder Fabritsio Romanoning ma'lum qilishicha, "Atalanta" "Latsio" bilan futbolchining Rim klubiga o'tishi borasida kelishuvga erishgan.

Kichik Maldinining bergamoliklar bilan amaldagi shartnomasi 2029 yilning 30 iyuniga qadar mo'ljallangan. Uning bozor qiymati sakkiz million evroni tashkil etadi.